Agjencia Kombëtare e Turizmit në kuadër të memorandiumit të Mirëkuptimit me Ministrinë e Punëve të Jashtme dhe në bashkëpunim me Ambasadën e Republikës së Shqipërisë në Slloveni realizoi ekspozitën me foto nga vendet turistike të Shqipërisë.
Ekspozita, me karakter promocional në përputhje me standartet, kërkesat dhe tendencat e tregut turistik ndërkombëtar, u zhvillua me rastin e 28 Nentorit, Festës Kombëtare të vendit tonë.
Ky aktivitet është konkretizim i bashkëpunimit midis Agjencisë Kombëtare të Turizmit dhe Përfaqësive Diplomatike të Republikës së Shqipërisë.
Agjencia Kombëtare e Turizmit, nëpërmjet nismave të tilla promovuese ndikon në thithjen e investitorëve të huaj në Shqipëri dhe promovimit të imazhit të Shqipërisë.
Ky bashkëpunim do të pasohet nga të tjera nisma promovuese të përbashkëta.
